بلوچستان:بی ایل اے نے کاہان میں ریاستی مخبر کے قتل اور تربت و تمپ حملوں کی ذمہ داری قبول کرلی

بلوچستان:بی ایل اے نے کاہان میں ریاستی مخبر کے قتل اور تربت و تمپ حملوں کی ذمہ داری قبول کرلی

بلوچ لبریشن آرمی کے ترجمان جیئند بلوچ نے نامعلوم مقام سے سیٹلائیٹ فون کے ذریعے میڈیا نمائندوں سے بات کرتے ہوئے مختلف حملوں کی ذمہ داری قبول کرتے ہوئے کہاکہ کاہان کے علاقے کنرباڑوں میں ریاستی مخبر کو بارودی سرنگ سے نشانہ بنایا جس میں وہ شدید زخمی ہوگئے۔انہوں نے مزید کہا کہ بلوچ سرمچاروں نے آج تربت کیکن اور تمپ میں پاکستانی فوجی کیمپوں پر بی ایم12 کے گولے داغے جس سے دشمن فوج کو بھاری جانی و مالی نقصانات کا سامنا کرنا پڑا۔

ترجمان نے مزید کہا کہ آج بلوچ سرمچاروں نے تمپ کے علاقے کوہاڈ اور رودبن میں پولنگ اسٹیشنز کو خودکار ہتھیاروں سے نشانہ بنایا، جس کے بعد وہاں ریاستی نام نہاد انتخابات کی سرگرمیاں بند ہوگئیں۔

جئیند بلوچ نے مزید کہا کہ بلوچستان میں انتخابات قبضہ گیر کے قبضے کو استحکام بخشنے کا ایک حربہ ہے، بلوچ لبریشن آرمی ہر اس ریاستی حربے و ذرائع کا مقابلہ کرے گی، جو بلوچ وطن پر قبضے کو طوالت بخشنے کیلئے استعمال ہو۔

ترجمان نے کہا کہ قومی آزادی کے مکمل بحالی تک ہماری اس طرح کی کاروائیاں جاری رہینگی۔