بلوچستان مشکئے / کولواہ :آپریشن کے تازہ سلسلے میں شدت ،کئی ہیلی کاپٹرخضدار،مشکے آواران پہنچ گئے

بلوچستان مشکئے / کولواہ :آپریشن کے تازہ سلسلے میں شدت ،کئی ہیلی کاپٹرخضدار،مشکے آواران پہنچ گئے

مشکے اورکولواہ کے مختلف علاقوں میں آپریشن کے تازہ سلسلے میں مزید شدت ،تفصیلات کے مطابق مشکئے میں گجلی ،پلین،راحت ،گرّوسمیت مختلف علاقوں میں آج شروع ہونے والے آپریشن کے تازہ سلسلے میں مزید شدت لائی گئی ہے ،ان علاقوں میںآج جنگی ہیلی کاپٹروں نے شدید شیلنگ کی ہے اور زمینی فوج برابر پیش قدمی کرتارہا،تاہم آمدہ اطلاعات کے مطابق ایک مزاحمتی تنظیم کے کیمپ پر حملے کے سرمچاروں کی جوابی کاروائی سے زمینی فوج اور ہیلی کاپٹروں کو پسپائی اختیار کرنا پڑا اوربلوچستان لبریشن فرنٹ نے اپنے آج کے بیان میں کہاہے کہ یہ حملہ ان کے کیمپ پر کیاگیااور ان کے سرمچاروں نے جوابی کاروائی کرتے ہوئے ہیلی کاپٹروں پر بھاری ہتھیاروں سے حملہ کیا جس سے انہیں پسپاہونا پڑا،بی ایل ایف کے ترجمان گہرام بلوچ کے مطابق پاکستانی جنگی ہیلی کاپٹروں کو نقصان بھی پہنچاہے ۔
مشکئے سے نامہ نگار کے مطابق ان علاقوں کی طرف تازہ دم دستوں کو پیش قدمی کرتے ہوئے دیکھا گیاہے اورخضدار میں چار ہیلی کاپٹر پہنچ گئے ہیں ،خدشہ ظاہر کیاجارہاہے کہ مشکئے میں جاری آپریشن میں مزید وسعت لائی جائے گی ۔واضح رہے کہ مشکے آپریشن میں اس وقت چار گن شپ ہیلی کاپٹر پہلے سے شامل ہیں۔
دوسری طرف ضلع آواران سے اطلاعات کے مطابق کولواہ میں بھی پاکستانی گن شپ ہیلی کاپٹروں و زمیے فوج کا آپریشن جاری ہے،کولواہ نیچی و گرد نواع میں آپریشن میں شدت لائی گئی ،گن شپ ہیلی کاپٹروں کی بمباری و شیلنگ کے ساتھ زمینی فوج کی بڑی تعداد آپریشن میں شامل ہے۔مواصلاتی نظام نہ ہونے کی وجہ سے مکمل تفصیلات و نقصان تک رسائی نہ ہو سکی ہے،تاہم ذرائع کے مطابق پہاڑی علاقوں میں عام آبادیوں کو نشانہ بنانے کا سلسلہ جاری ہے جس سے جانی و مالی نقصانات کا خدشہ ہے۔
رات گئے آواران سے اطلاعات کے مطابق زمینی فوج کی بڑی تعداد کولواہ کی جانب جاتے دیکھے گئے ہیں۔
واضح رہے کہ ریاستی انتخابات کے قریب تر آنے کے ساتھ آپریشنز کے سلسلوں میں تیزی لائی گئی ہے۔